Um 15% fullorðinna Íslendinga segjast hafa farið í ljós á síðustu tólf mánuðum, samkvæmt nýrri könnun Capacent Gallup fyrir samstarfshóp um varnir gegn útfjólublárri geislun. Dregið hefur verulega úr ljósabekkjanotkun undanfarin ár. Fyrir átta árum svöruðu 30% sömu spurningu játandi.

Lesa meira

Vísindaritið Journal of Environmental Radioactivity hefur birt grein um niðurstöður rannsóknar sem Geislavarnir ríkisins eiga aðild að. Rannsóknin er hluti doktorsverkefnis eins starfsmanns stofnunarinnar, Sigurðar Emils Pálssonar og fjallar hún um hvernig best megi lýsa með sem einföldustum hætti því geislavirka úrfelli sem dreifðist um jörðina vegna kjarnorkusprengjutilrauna í andrúmsloftinu. Þetta úrfelli er helsta uppspretta manngerðra geislavirkra efna í umhverfinu. Þekking á því er undirstaða rannsókna á hegðun slíkra efna og einnig ef meta skal hugsanlegar afleiðingar slyss sem leiðir til þess að þessi efni dreifast að nýju til umhverfis. Lesa meira

Eftirlit með geislaálagi þeirra starfsmanna sem vinna við jónandi geislun á Íslandi breytist frá og með 1. júlí nk. þannig að Geislavarnir ríkisins munu hefja notkun á svokölluðum TLD-mælihylkjum í staðinn fyrir mælihylki sem byggjast á notkun geislamælifilma. Ein helsta ástæðan fyrir breytingunum er sú að Eastmann Kodak fyrirtækið er að hætta framleiðslu þessara mælifilma, en þær hafa verið í notkun svo til óbreyttar í áratugi. Nýju mælihylkin sem byggjast á notkun TLD mæliflaga eru fengin frá Dönsku Geislavarnastofnuninni ( Statens Institute for Stålebeskyttelse ? SIS), sem sér um hluta framkvæmdarinnar. Lesa meira