Norrænt samstarf á sviði geislavistfræði og viðbúnaðar gegn geislavá undir stjórn rannsóknastjóra Geislavarna ríkisins

26.7.2006

Geislavarnir ríkisins hafa lagt mikið upp úr þátttöku í norrænu samstarfi í fjölda ára. Einn meginþáttur hefur verið þátttaka í starfi NKS, Norrænna kjarnöryggisrannsókna. Virk þátttaka hefur verið í ýmsum verkefnum á sviði geislavistfræði og viðbúnaðar frá árinu 1990. Starfsmenn geislavarna hafa einnig stjórnað verkefnum á þessum sviðum, t.d. innan geislavistfræði, gæðamála á rannsóknastofum og nýtingu Netsins og fjarskiptatækni vegna viðbúnaðar. Sigurður Emil hefur haft yfirumsjón með verkefnum á sviði geislavistfræði í rúman áratug og á sviði geislavistfræði og viðbúnaðar (NKS-B) síðast liðin 4 ár. Það hefur verið dýrmæt reynsla fyrir starfsmenn Geislavarna að geta unnið náið með fremstu vísindamönnum Norðurlanda, auk þess sem starfið hefur einnig skapað tengsl við ýmsa fremstu vísindamenn á þessum sviðum utan Norðurlanda.

Sigurður Emil lætur af þessum störfum í lok næsta árs og annar stjórnandi mun taka við. NKS mun þó halda áfram að verða veigamikill þáttur í starfsemi stofnunarinnar, Sigurður M. Magnússon, forstjóri hennar, tók við sem stjórnarformaður NKS á fundi stjórnar í maí og þátttaka í verkefnum mun halda áfram.

Nánari upplýsingar um starf NKS má fá á Vef samtakanna:
www.nks.org

Á eftirfarandi vefsíðu má nálgast þær skýrslur sem hafa verið gefnar út innan NKS-B: http://www.nks.org/nordisk/B-delen/resultater.htm

Sjá einnig fyrri fréttir Geislavarna tengdar starfi NKS:
10.3.2006 : Þátttaka Geislavarna ríkisins í norrænu verkefni um áhrif losunar geislavirkra efna í holræsakerfi borga
24.11.2005 : Forstjóri Geislavarna ríkisins verður næsti stjórnarformaður NKS
17.11.2005 : Norræn ráðstefna um geislavistfræði og mælitækni í Tartu í Eistlandi.

25.4.2005 : Íslenskar niðurstöður kynntar á norrænum fundi vinnuhóps um geislavistfræði