Drög að nýjum grundvallar ráðleggingum Alþjóðageislavarnaráðsins birt til skoðunar og umsagnar
Í dag birtist á vefsíðu ICRP drög að nýjum grundvallarleiðbeiningum ráðsins sem hafa verið í smíðum undanfarin ár. Ráðið stefnir að því að gefa út ritið á næsta ári sem ICRP 2005. Frestur til að skila inn athugasemdum er til 31. desember 2004. Nánar verður fjallað um þessi drög á þessum vettvangi síðar. Vefslóðin er: ICRP 2005 draft
Fyrirlestur um geislaálag flugáhafna - 22. júní 2004
Rannsóknarverkefni á vegum Evrópusambandsins um geislaálag flugáhafna, er lokið og liggja niðurstöður fyrir. Einn forsvarsmanna verkefnisins, Lennart Lindborg, verður á Íslandi seinni hluta júní mánaðar á vegum Geislavarna ríkisins og mun hann fjalla um niðurstöður verkefnisins í almennum fyrirlestri sem verður tímasettur fljótlega.
Ný drög að ráðleggingum til umfjöllunar á vefsíðu ICRP
Á vefsíðu Alþjóðageislavarnaráðsins er nú til umsagnar drög að leiðbeiningum um geislavarnir í kjölfar geislahryðjuverks (radiological attack).
