Vefsíða um geislavarnir og myndgæði (DIMOND)
Vakin er athygli á vefsetri verkefnis á vegum Evrópusambandsins sem ber heitið DIMOND III, Measures for optimising radiological information and dose in digital imaging and interventional radiology, www.dimond3.org. Þar er fjallað er um rannsóknir á myndgæðum og geislaskömmtum við stafræna röntgenmyndgerð, stafræna mammógrafíu og aðgerðarannsóknir.
Fyrirlestur um breyttar áherslur í geislavörnum, mánudaginn 24. janúar, n.k. kl. 17:15
Vísindaritari Alþjóða geislavarnaráðsins (International Commission on Radiological Protection, ICRP) Dr. Jack Valentin, heldur fyrirlestur um breyttar áherslur og nýjar grunnleiðbeiningar ICRP í húsi Verfræði- og raunvísindadeildar, VR II, stofu 158, mánudaginn 24. janúar 2005, kl. 17:15. Fyrirlesturinn sem verður á ensku er öllum opinn.
Farsímar og heilsufar - ný skýrsla frá Bretlandi.
Geislavarnastofnun Bretlands hefur gefið út nýja yfirgripsmikla skýrslu um farsíma og heilsufar. Sjá nánar á vef stofnunarinnar, þar er finna tengil í útdrátt skýrslunnar og hana í heild sinni.
Rafrænar umsóknir á vef Geislavarna
Á vefsetri Geislavarna er núna hægt að nota rafræn eyðublöð til þess meðal annars að sækja um leyfi til notkunar á röntgenbúnaði og leyfi til innflutnings og notkunar á geislavirkum efnum. Einnig eru þar eyðublöð vegna ýmissa tilkynninga sem lögboðnar eru.
Fyrirlestur um nýjar grunnleiðbeiningar í geislavörnum.
Alþjóða geislavarnaráðið ( International Commission on Radiological Protection, ICRP ) vinnur nú að nýjum grunnleiðbeiningum um geislavarnir en þær leiðbeiningar sem nú er stuðst við komu út í riti ICRP nr. 60 árið 1990. Framkvæmd geislavarna í flestum ríkjum heimsins byggir á leiðbeiningum ICRP.
