Á vefsíðu ICRP eru 3 drög að nýjum ritum til umsagnar
Alþjóða geislavarnaráðið (ICRP, International Commission on Radiological Protection) hefur sett drög að 3 nýjum ritum á vefsetur sitt til umsagnar. Þessi rit fjalla um undirstöður geislavarna. Titlar þeirra eru: Biological and Epidemiological Information on Health Risks Attributable to Ionising Radiation: A Summary of Judgements for the Purposes of Radiological Protection of Humans. (Foundation Document) Basis for Dosimetric Quantities Used in Radiological Protection The Concept and Use of Reference Animals and Plants for the purposes of Environmental Protection
Alþjóðakjarnorkustofnunin (IAEA) og Geislavarnir ríkisins - umfjöllun í fréttaskýringum RÚV
Í laugardagsþættinum, fréttaskýringaþætti Ríkisútvarpsins, var s.l. laugardag viðtal við Sigurð M. Magnússon, forstjóra Geislavarna ríkisins, um Alþjóðakjarnorkustofnunina (IAEA), hlutverk hennar og tengsl Íslendinga við hana. Tilefnið var að Sigurður tók nýlega við formennsku í ráðgjafanefnd stofnunarinnar um geislavarnir.
Ljósabekkjanotkun unglinga hefur minnkað verulega á einu ári
Um 13% unglinga á aldrinum 12-15 ára segjast hafa farið í ljós á síðustu tólf mánuðum, samkvæmt nýrri könnun IMG Gallup. Í könnun fyrir einu ári svöruðu 25% sömu spurningu játandi.
Endurvinnsla og kjarnorkuiðnaður áfram til umræðu
Umræða um framtíð kjarnorkuiðnaðar hefur haldið áfram í innlendum og erlendum fjölmiðlum. Miðvikudaginn 11. maí var stutt viðtal í Ríkisútvarpinu við einn sérfræðinga Geislavarna ríkisins um kjarnorkuiðnað.
Geislaleki í Sellafield
Skýrt hefur verið frá því að geislavirk efni hafi lekið úr vinnslurásinni við THORP endurvinnslustöðina í Sellafield. Samkvæmt upplýsingum breskra stjórnvalda hafa engin geislavirk efni borist út í umhverfið vegna lekans. Lekinn hefur heldur ekki valdið aukinni geislun á starfsfólk endurvinnslustöðvarinnar
Sólbaðsstofum fjölgar eftir því sem norðar dregur
Norsku geislavarnirnar hafa nýlega rannsakað notkun Norðmanna á ljósabekkjum og meðal annars komist að þeirri niðurstöðu að notkunin vex eftir því sem norðar dregur í Noregi (sjá http://www.nrpa.no/). Það sama virðist oftast gilda annars staðar í Evrópa, þ.e. eftir því sem norðar dregur eykst ljósabekkjanotkunin.
