Málmsuðuvír með 2% þóríni - fræðsluefni
Fræðslefni um málmsuðuvír sem inniheldur lítið magn geislavirks efnis hefur verð sett á vefsíðu Geislavarna ríkisins
Einum sérfræðinga Geislavarna ríkisins boðin seta í sérfræðinganefnd IAEA um stefnumótun í notkun fjarskiptatækni.
Einum af sérfræðingum Geislavarna ríkisins, Sigurði Emil Pálssyni, hefur verið boðið að sitja í sérfræðinganefnd IAEA (Alþjóða kjarnorkumálastofnunarinnar) um stefnumótun í notkun fjarskiptatækni vegna miðlunar upplýsinga í tengslum við ýmis konar geislavá. Sérfræðinganefndin hélt fyrsta fund sinn í Zürich í síðustu viku, 14.-16. september, og henni er ætlað að leggja skýrslu sína fyrir alþjóðlega ráðstefnu viðbúnaðartengla IAEA sumarið 2007.
Breytingar á evrópskum staðli um ljósabekki – viðbrögð á Íslandi
Tillögur hafa verið gerðar um breytingar á evrópskum staðli um ljósabekki. Nái þær fram að ganga, þá gæti það þýtt að meiri styrkur UV-geislunar yrði leyfilegur í ljósabekkjum. Það væri í andstöðu við sameiginlegt álit norrænu geislavarnastofnananna um ljósabekki. Geislavarnir ríkisins munu fylgjast með þessu máli, en of snemmt er að segja til um hugsanleg viðbrögð.
Ný skýrsla á vegum Sameinuðu þjóðanna um áhrif slyssins í kjarnorkuverinu í Tsjernóbýl
Nú stendur yfir alþjóðleg ráðstefna í Vínarborg um áhrif slyssins í kjarnorkuverinu í Tsjernóbýl 1986. Ný skýrsla 8 stofnana Sameinuðu þjóðanna var kynnt í tilefni ráðstefnunnar og þar kemur fram að nú megi rekja tæp 50 dauðsföll beint til slyssins og að áætla megi að um 4000 manns muni látast vegna langtímaáhrifa geislunar. Þetta eru lægri tölur en oft hafa verið nefndar, en þó í samræmi við mat ýmissa vísindamanna strax í upphafi. Slysið hefur þó haft víðtæk önnur heilsufars-, félagsleg- og efnahagsleg áhrif.
Niðurstöður alþjóðlegrar rannsóknar um langtímanotkun farsíma
Nýlega birtust í tímaritunu British Journal of Cancer, niðurstöður úr alþjóðlegum rannsóknum á sambandi milli langtímanotkunar á farsímum og hættu á myndun acoustic neuroma (hjúpæxli heyrnartaugar) sem er sjaldgæft góðkynja æxli í heyrnartaug.
