Milliríkjasamningur milli Íslands og CTBTO
Milliríkjasamningur var undirritaður 13. október sl. milli Íslands og CTBTO (Comprehensive Nuclear-Test-Ban Treaty Organisation, alþjóðastofnun um allsherjarbann við tilraunum með kjarnavopn). Hann festir í sessi samskipti CTBTO og Íslands vegna starfsemi stofnunarinnar á Íslandi, sem felur m.a. í sér stöðuga vöktun á gammageislandi efnum í andrúmslofti.
Niðurstaða atkvæðagreiðslu um ljósabekkjastaðal
Í frétt á vefsíðu Geislavarna þann 19. september og í fréttaskýringagrein Morgunblaðsins 24. september var sagt frá fyrirhugaðri evrópskri atkvæðagreiðslu um breytingar á ljósabekkjastaðal sem notaður er á Íslandi. Niðurstöður liggja nú fyrir.
Ný skýrsla: Geislavirk efni í umhverfi og matvælum á Íslandi 1989 – 2003.
Geislavarnir ríkisins hafa gefið út skýrslu með niðurstöðum mælinga stofnunarinnar á styrk geislavirks sesíns í andrúmslofti, úrkomu, mjólk, lambakjöti, sjó, fiski og þangi. Einnig eru teknar saman niðurstöður mælinga á teknetíni í sjó við Ísland. Bæði efnin, sesín og teknetín, myndast við nýtingu kjarnorku. Styrkur efnanna er í öllum tilvikum vel innan marka sem miðað er við í milliríkjaviðskiptum með matvæli. Skýrsluna, „Geislavirk efni í umhverfi og matvælum 1989-2003“ má nálgast hér í heild sinni á PDF formi.
