Geislavarnastofnanir á Norðurlöndum draga í efa réttmæti notkunar ljósabekkja í fegrunarskyni í sameiginlegri álitsgerð sem send hefur verið framkvæmdstjórn Evrópusambandsins. Vísað er til almennrar reglu í geislavörnum um að öll geislun skuli vera réttlætanleg, þ.e. gera meira gagn en ógagn.

Þessa dagana er verið að senda foreldrum og forráðamönnum fermingarbarna póstkort þar sem bent er á hættuna sem fylgir því að ungt fólk fari í ljósabekki. Skilaboðin á kortinu eru frá Félagi íslenskra húðlækna, Geislavörnum ríkisins, Krabbameinsfélaginu og Landlæknisembættinu. Þetta er þriðja árið sem þessir aðilar standa saman að fræðsluherferð undir slagorðinu "Hættan er ljós".

Verkefnið miðar að því að kanna afdrif geislavirkra efna í fráveitukerfum þéttbýlissvæða og möguleg áhrif þeirra á starfsmenn.

Geislavarnir vegna leysa og útfjólublárrar geislunar fá aukið vægi