Í sumar skilaði vísindanefnd Evrópusambandsins af sér áliti um ljósabekki. Nefndin telur að ljósabekkjanotkun auki líkur á húðkrabbameini. Framkvæmdastjórn Evrópusambandsins vill að farið verði eftir ráðleggingum nefndarinnar.

Rafmagnstruflanir leiddu nýlega til þess að í ljós komu veilur í öryggisbúnaði tveggja sænskra kjarnorkuvera. Öryggiskröfur í kjarnorkuiðnaði, svipað og í flugrekstri, eru mjög strangar. Þótt ekki hafi verið hætta á alvarlegu slysi, þá lítur sænska kjarnorkueftirlitið (SKI) þetta atvik mjög alvarlegum augum og vinnur að því, í samvinnu við rekstraraðila og framleiðendur búnaðar, að komast að raun um hvernig þetta gat gerst.