Geislavarnir ríkisins hafa gefið út skýrslu með niðurstöðum mælinga stofnunarinnar á styrk geislavirks sesíns í andrúmslofti, úrkomu, mjólk, lambakjöti, sjó, fiski og þangi. Styrkur efnisins er í öllum tilvikum langt neðan þeirra marka sem miðað er við í milliríkjaviðskiptum með matvæli. Skýrsluna, „Vöktunarmælingar Geislavarna ríkisins 2006, GR 07:03“ má nálgast hér á PDF formi.

Nýlega birtist á vefsíðu útgefanda (ScienceDirect.com) fyrir Alþjóðageislavarnaráðið (ICRP) (www.icrp.org) nýtt rit um geislavarnir við tölvusneiðmyndarannsóknir (TS). Ritið kemur út á prenti í febrúar á næsta ári, en er núna aðgengilegt á vefnum. Það heitir "Managing Patient Dosis in Multi-Detector Computed Tomography" (Publication 102) sem mætti snúa á íslensku sem "Stjórnun geislaálags við notkun fjölsneiða tölvusneiðmyndtækja". Fjallað er á ítarlega hátt um þá þætti myndgerðarinnar með fjölsneiða tölvusneiðmyndatækjum (FSTS) (e. Multi-Detector Computed Tomography (MDCT)) sem hafa áhrif á geislaálag sjúklinga og hvernig beri að fylgjast með og stjórna þeim.

Ráðstefna á vegum Euroskin fjallar um áhrif útfjólublárrar geislunar og beinir tillögum um ljósabekki til landa i Evrópu.

Á vefsíðu European-ALARA Network birtist nýlega annað fréttabréf ársins. Meðal efnis er grein eftir forseta Alþjóðageislavarnaráðsins, Lars-Erik Holm, um nýjar leiðbeiningar ICRP sem væntanlegar eru á þessu ári.

Geislavarnir ríkisins hafa um árabil annast rekstur mælistöðvar fyrir geislavirk efni í andrúmslofti. Stöðin er hluti eftirlitskerfis sem ætlað er að sannreyna framfylgni við alþjóðasáttmála um allsherjarbann við tilraunum með kjarnavopn. Sáttmálinn þykir einn mikilvægasti friðarsáttmáli nútímans en Geislavarnir hafa skv. lögum frá 7. maí 2001 eftirlit með framkvæmd hans á Íslandi.

Dagana 17. til 21. september s.l. var 51.ársfundur Alþjóða kjarnorkumálastofnunarinnar haldinn í Vínarborg.

Árið 2006 opnaði Alþjóða kjarnorkumálastofnunin (IAEA) nýtt vefsetur með upplýsingum um geislavarnir sjúklinga og síðan hefur birst þar reglulega nýtt efni sem á erindi við fagfólk sem starfar við jónandi geislun. Fyrir stuttu birtist þar efni sem ætlað er fagfólki og almenningi vegna notkunar röntgentækja við tannlækningar.

Einn starfsmanna Geislavarna, Sigurður Emil Pálsson, hefur um árabil stýrt norrænni rannsóknarsamvinnu á sviði viðbúnaðar gegn geislavá og í geislavistfræði. Þann 28.-29. ágúst var haldin ráðstefna í Osló um stöðu verkefna innan þessa samstarfs, hvað hefur áunnist og hvað er framundan. Sigurður flutti 4 erindi, þar af tvö um þróunarverkefni sem Geislavarnir eiga aðild að í samvinnu við erlenda aðila.

Talsvert hefur borið á umræðu um hugsanlega hættur vegna GSM-mastra að undanförnu. Að öllum líkindum stafar þetta af því að íslensk símafyrirtæki eru um þessar mundir að fjölga GSM sendum og möstrum vegna svokallaðrar 3. kynslóðar af farsímum en ekki af því að fram hafi komið nýjar óvæntar niðurstöður úr heilsufarsrannsóknum á áhrifum GSM-geislunar á fólk.

Geislavarnir ríkisins hafa tekið í notkun nýtt geislaskimunarkerfi (enska: Mobile radiation detection system) sem er hannað í samvinnu við geislavarnastofun Finnlands (STUK). Hönnunin byggir á fjölda-framleiddum einingum og hugbúnaði frá STUK. Fyrir bragðið er þessi búnaður mun ódýrari og fjölhæfari en búnaður sem hefur verið á almennum markaði. Búnaðurinn gjörbreytir jafnframt aðstöðu til skimunar eftir geislavirkum efnum hérlendis, jafnframt sem sparnaður Geislavarna nemur miljónum króna miðað við að svipaður búnaður hefði verið keyptur á almennum markaði.

Starfsmaður Geislavarna ríkisins tók þátt í fundi um viðbúnað gegn geislavá á vegum viðbúnaðarmiðstöðvar (The Incident and Emergency Centre, IEC) Alþjóðakjarnorkumálastofnunarinnar (IAEA) (10. - 13. júlí). Fundinn sóttu fulltrúa ríkja sem eiga aðild að samningum um tilkynningar og aðstoð ef kjarnorkuslys ber að höndum eða neyðarástand skapast af völdum geislunar.

Starfsmaður Geislavarna ríkisins tók þátt í fundi um viðbúnað gegn geislavá á vegum viðbúnaðarmiðstöðvar (The Incident and Emergency Centre, IEC) Alþjóðakjarnorkumálastofnunarinnar (IAEA) (9.-10. júlí). Á fundinum var Geislavörnum ríkisins þakkað sérstaklega fyrir framlag til að gera vinsælasta rit miðstöðvarinnar aðgengilegra á rafrænu formi.

Fundur forstjóra norrænna geislavarnastofnana var haldinn á Íslandi 26. júní 2007. Norðurlöndin hafa með sér margþætt samstarf á sviði geislavarna. Á vegum þeirra starfa margir vinnuhópar auk þess sem forstjórar stofnananna funda reglulega. Fundir forstjóranna eru haldnir í löndunum til skiptis og funduðu þeir síðast í Reykjavík 26. júní s.l.

Evrópusambandið hélt ráðstefnu um nýjar grunnleiðbeiningar Alþjóða geislavarnaráðsins (ICRP) og áhrif þeirra í Berlín þann 19. júní. Ráðstefnuna sóttu yfir eitt hundrað manns frá mörgum löndum Evrópu.

Nýlega var haldin í París ráðstefna til að minnast þess að 50 ár eru liðin frá því að geislavarnanefnd Kjarnorkumálastofnunar OECD ríkjanna tók til starfa.

Geislavarnir ríkisins birta í dag á vefsíðu sinni samantekt um þróun geislaálags sjúklinga við röntgenrannsóknir. Sérstaklega eru skoðuð þau áhrif sem innleiðing stafrænna myndmiðla á röntgendeildum hefur haft.

Viðhorfskönnun staðfestir ánægju viðskiptavina Geislavarna og veitir mikilvægar upplýsingar um viðhorf þeirra til einstakra þátta í þjónustu stofnunarinnar. Geislavarnir ríkisins hafa síðastliðin 3 ár látið framkvæma viðhorfskönnun meðal viðskiptavina sinna. Könnuninni var sérstaklega beint til þeirra viðskiptavina sem lúta eftirliti stofnunarinnar. Könnunin sem fram fór dagana 23. maí til 11. júní, er liður í mati á framkvæmd og árangri stefnu stofnunarinnar.

Alvarleg óhöpp með geislavirk efni eru ólíkleg hérlendis, enda lítið magn þeirra í notkun. Þar sem engin slík óhöpp hafa orðið hér á landi er mikilvægt að þjálfa viðbrögð við þeim. Geislavarnir ríkisins hafa lagt áherslu á að byggja upp viðbúnað í samræmi við kröfur og leiðbeiningar Alþjóða kjarnorkumálastofnunarinnar, IAEA, á þessu sviði. Þjálfunaræfingin sýndi að þeir þættir sem þjálfaðir voru reyndust í fullu samræmi við leiðbeiningar IAEA.

Fulltrúar norrænna geislavarnastofnana í Röntgenhópnum svonefnda, funduðu í Tromsö, í Noregi dagana 24. og 25. maí s.l.