Nýjungar í þróun kjarnorkuvera: Fljótandi kjarnorkuver?
Kjarnakljúfar hafa verið notaðir sem orkugjafar í kafbátum og skipum í áratugi. Það þarf því ekki nýja grunntækni til að binda skip eða kafbát við bryggju og nýta orkuna þaðan í landi. Slíkt hefur verið gert í tilraunaskyni og til takmarkaðra nota. Skip hafa hins vegar ekki verið sérstaklega hönnuð og smíðuð sem kjarnorkuver í tengslum við orkudreifikerfi í landi. Ýmsar þjóðir, þ.a.m. Rússar, stefna nú að slíkri nýtingu og af því tilefni gaf Geislavarnastofnun Noregs út skýrslu nýlega með lýsingu á þessari tækni og hugsanlegum afleiðingum notkunar hennar á norðurslóðum.
Nýtt rit frá ICRP um geislaskammta í kjarnlæknisfræði
Nýlega kom út hjá Elsevier nýtt rit frá Alþjóðageislavarnaráðinu, númer 106 (ICRP Publication 106) sem ber heitið Radiation Dose to Patients from Radiopharmaceuticals. Þetta rit er viðbót og leiðrétting við eldri rit ráðsins um sama efni.
Vopnaleit með röntgenmyndum á flugvöllum
Skannar á flugvöllum sem geta sýnt vopn innanklæða hjá fólki nota væga röntgengeislun en ekki hljóðbylgjur eins og haldið var fram í einni frétt. Þeir hafa ekki verið teknir í notkun á Íslandi.
Breytingar á lögum um geislavarnir
Um áramótin tóku gildi breytingar á lögum um geislavarnir sem samþykktar voru á Alþingi vorið 2008. Með breytingunum er eftirlit stofnunarinnar einföldað og dregið úr reglubundnu tæknilegu eftirliti. Þess í stað er nú lögð áhersla á ábyrgð notenda,virk gæðakerfi og mat á geislaálagi sjúklinga.
