Fyrr í þessum mánuði tilkynnti geislavarnastofnun sænska ríkisins á alþjóðlegum vettvangi að sænska fyrirtækið Boliden Mineral AB hefði verið bannað að sinna viðhaldi á röntgentækjum sínum vegna alvarlegs brots á öryggisreglum. Starfsmenn höfðu reynt að gera við tæki án þess að geislamælar væru notaðir til viðvörunar eða til að fylgjast með geislaálagi starfsmanna. Allt að 17 manns eru álitnir hafa getað orðið fyrir geislun og ýmsir þeirra hafa sýnt einkenni sem hugsanlega má rekja til geislunarinnar.

Geislavarnir ríkisins hafa gefið út skýrslu með niðurstöðum mælinga stofnunarinnar á styrk geislavirks sesíns í andrúmslofti, úrkomu, mjólk, lambakjöti, sjó, fiski og þangi. Styrkur efnisins er í öllum tilvikum langt neðan þeirra marka sem miðað er við í milliríkjaviðskiptum með matvæli. Skýrsluna, „Vöktunarmælingar Geislavarna ríkisins 2009, GR 10:01“, má nálgast hér á PDF formi.

Leyisbendar eru ekki leikföng. - Geislavarnir ríkisins hvetja foreldra til að taka leysibenda af börnum.

Takmarka ætti innflutning á öflugum leysibendum á evrópska efnahagssvæðið og banna almenna notkun þeirra. Þetta eru tillögur geislavarnastofnanna Finnlands, Íslands, Noregs og Svíþjóðar.

Geislavarnir ríkisins skipuleggja nú ráðstefnu Norræna geislavarnafélagsins sem haldin verður á Grand Hótel Reykjavík 22.-25. ágúst 2011. Hún ber yfirskriftina "Áskoranir" og á henni munu fyrirlesarar úr fremstu röð fjalla um þau spennandi verkefni sem liggja fyrir í faginu og tækifærin sem í þeim eru fólgin.

Nýlega var hleypt af stokkunum nýju vefsetri á vegum geislavarnarstofnana í Evrópu og annarra hagsmunaaðila, þar sem safnað verður saman upplýsingum um slys og óhöpp sem verða við vinnu með jónandi geislun.

Dagana 4.-5. október verður haldinn alþjóðlegur fundur í Reykjavík sem getur markað tímamót varðandi viðbúnað við slysum í kjarnorkukafbátum. Markmið fundarins er að kynna og ræða tæknilegar upplýsingar um slík slys, upplýsingar sem leynd hvílir ekki yfir svo vísa megi til fyrir opnum tjöldum. Jafnframt á að reyna að ná alþjóðlegri samstöðu um tæknilegar forsendur slíks mats. Upphaflega stóð til að halda fundinn í apríl, en fresta þurfti honum vegna gossins í Eyjafjallajökli.

Merkar niðurstöður í grein í American Journal of Epidemiology

Á síðasta ári samþykkti allsherjarþing Sameinuðu Þjóðanna með einróma ályktun að 29. ágúst skyldi verða alþjóðlegur dagur gegn tilraunum með kjarnorkuvopn. Eru aðildarríki þar sérstaklega hvött til að efla vitund fólks og fræðslu um afleiðingar tilraunasprenginga og nauðsyn þess að þeim verði endanlega hætt svo takmarkinu um kjarnorkuvopnalausan heim verði náð.

Geislavarnir ríkisins og Brunamálastofnun hafa nýlega lokið rannsókn á segulsviði í rúmlega 130 íbúðum. Niðurstöður benda til að segulsviðið í íbúðum á Íslandi sé svipað og í Svíþjóð en frágangur raflagna á Íslandi og í Svíþjóð er sambærilegur. Niðurstöðurnar gefa ekki tilefni til umfangsmeiri rannsókna á segulsviði í íbúðarhúsnæði á Íslandi. Meðaltal segulsviðs mældist um 0,1 µT en algengustu gildi eru um 0,05 µT. Segulsvið yfir 0,4 µT er sjaldgæft og stafar oftast af svokölluðum flökkustraumum. Með einföldum aðgerðum má oftast draga úr þessum straumum.

Komin er út skýrsla Geislavarna um fjölda myndgreiningarannsókna sem framkvæmdar voru á Íslandi árið 2008. Skýrslan er áfangi í því verkefni stofnunarinnar að meta geislaálag þjóðarinnar vegna notkunar jónandi geislunar í læknisfræði.

Að morgni þess 3. ágúst varð sólblossi í stefnu jarðar á sólinni með tilheyrandi stormum í segulsviði jarðar, en það ver jarðarbúa fyrir geimgeislun. Mælingar Geislavarna ríkisins og Veðurstofunnar benda ekki til að geimgeislun á Íslandi hafi aukist við þetta.

Árleg samantekt um geislaálag starfsmanna sem vinna við jónandi geislun er komin út fyrir árið 2009. Skýrslan er aðgengileg á vefsetri stofnunarinnar á slóðinni: http://www.geislavarnir.is/stofnunin/skyrslur/ Þar er einnig að finna samskonar skýrslur fyrri ára. Skýrslan er á PDF formi (555 kB). Skýrslan er eingöngu gefin út á rafrænuformi.

Að undanförnu hafa Geislavörnum ríkisins borist margar fyrirspurnir um segulsvið frá spennustöðvum og raflögnum. Segulsvið með 50 riða tíðni myndast þegar rafstraumur rennur um raftæki og rafmagnsleiðslur.

Nýlega voru birtar niðurstöður úr mjög stórri alþjóðlegri rannsókn á notkun farsíma. Samkvæmt henni eykur venjuleg farsímanotkun ekki líkur á myndun heilaæxla. Í rannsókninni kom á óvart að þeir sem alls ekki töluðu í farsíma virtust örlítið líklegri til að fá heilaæxli.

Samkvæmt nýrri könnun Capacent-Gallup segjast mun færri grunnskólanemar hafa notað ljósbekki síðustu 12 mánuði en áður. Fækkunin er þó aðallega í hópi þeirra sem nota bekki sjaldan.

Samkvæmt árlegum könnunum Capacent Gallup hefur þeim fækkað verulega sem fara oft í ljósabekki.

Tveir starfsmenn Geislavarna ríkisins sátu nýafstaðinn sumarskóla í geislavörnum í Bad Honnef í Þýskalandi.

Nýlega kom út leiðbeiningarrit á vefsetri ESB um endurmat eða endurskoðun í læknisfræðilegri notkun jónandi geislunar. Ritið ber heitið "EUROPEAN COMMISSION GUIDELINES ON CLINICAL AUDIT".