Eldgosið í Eyjafjallajökli hefur sem kunnugt er haft alvarleg áhrif á flugsamgöngur í Evrópu. Erlendir þátttakendur tilkynntu hver af öðrum að vegna þess að þeir gætu ekki verið vissir um að komast hingað og héðan á áætluðum tíma, þá gætu þeir ekki sótt fundinn.  Það var því ákveðið að festa fundinum fram á haust.

Dagana 22. – 23. apríl verður haldinn alþjóðlegur fundur í Reykjavík sem getur markað tímamót varðandi viðbúnað við slysum í kjarnorkukafbátum. Markmið fundarins er að kynna og ræða tæknilegar upplýsingar um slík slys, upplýsingar sem leynd hvílir ekki yfir svo vísa megi til fyrir opnum tjöldum. Til þessa hefur skort alþjóðlega samstöðu um slíkar upplýsingar.

Nýlega voru 25 hæðarmælar með geislavirkum lokuðum lindum teknir úr notkun og sendir til förgunar erlendis. Þetta er um fjórðungur slíkra tækja á skrá hjá Geislavörnum ríkisins. Í lokuðum lindum er geislavirka efnið í þéttum lokuðum umbúðum sem einangra það tryggilega frá umhverfinu.