Dagana 4.-5. október verður haldinn alþjóðlegur fundur í Reykjavík sem getur markað tímamót varðandi viðbúnað við slysum í kjarnorkukafbátum. Markmið fundarins er að kynna og ræða tæknilegar upplýsingar um slík slys, upplýsingar sem leynd hvílir ekki yfir svo vísa megi til fyrir opnum tjöldum. Jafnframt á að reyna að ná alþjóðlegri samstöðu um tæknilegar forsendur slíks mats. Upphaflega stóð til að halda fundinn í apríl, en fresta þurfti honum vegna gossins í Eyjafjallajökli.