Í frétt Geislavarna fyrir rúmum mánuði síðan var sagt frá rannsóknastyrkjum sem stofnunin fékk frá NKS nýverið. Þá var sagt almennt frá þátttöku Geislavarna í starfi NKS, hér er þeim verkefnum sem styrkt eru lýst nánar.  Styrkjum úr sjóðnum er úthlutað á samkeppnisgrunni að fenginni niðurstöðu matsnefndar.

Undirbúningi miðar vel fyrir ráðstefnu Norræna geislavarnafélagsins (sjá eldri fréttir) sem verður haldin í ágúst í ár og ber yfirskriftina "Áskoranir". Seinni boðun (hlekkur) á fundinn hefur verið gefin út og opnað hefur verið fyrir skráningu (hlekkur).

Geislavarnir ríkisins starfrækja öfluga eftirlitsstöð á vegum CTBTO til að hafa eftirlit með að banni við kjarnorkuvopnatilraunum sé fylgt. Fylgst er með geislavirkni í svifryki. Manngerð geislavirk efni geta þó borist til stöðvarinnar af ýmsum eðlilegum ástæðum sem mikilvægt er að þekkja til að geta greint óeðlilegar hækkanir. Ein slík ástæða er uppblástur (e. resuspension). Dæmi um slíkt sást t.d. í janúar s.l., þegar geislavirka efnið Cs-137 mældist í loftsíum eftirlitsstöðvarinnar við Veðurstofu Íslands þrjá daga í röð. Þessa daga var einmitt þurrt, stíf átt af hálendinu og svifryksmengun mikil í höfuðborginni.