Sólbaðsstofum fjölgar eftir því sem norðar dregur

3.5.2005

Norsku geislavarnirnar hafa nýlega rannsakað notkun Norðmanna á ljósabekkjum og meðal annars komist að þeirri niðurstöðu að notkunin vex eftir því sem norðar dregur í Noregi

(sjá http://www.nrpa.no/News/newsfullview.asp?intInfoObject=1005708).

Það sama virðist oftast gilda annars staðar í Evrópa, þ.e. eftir því sem norðar dregur eykst ljósabekkjanotkunin.

Samkvæmt frétt BBC frá 11. apríl 2003 eru um 400 sólbaðsstofur á Skotlandi en þar búa um 5 milljónir manna. Þar eru því rúmlega 12 þúsund manns um hverja sólbaðsstofu. Samkvæmt fréttinni er þetta mikill fjöldi og er nefnt í samanburði að í London séu 93 sólbaðstofur (fyrir um 7 milljón íbúa) sem gera 75 þúsund um hverja stofu.

Ýmislegt bendir til þess að sólbaðsstofum á Íslandi hafi fækkað undanfarin ár en samt er fjöldi þeirra mikill miðað við þessar tölur frá Bretland. Óvíst er hvort tölur um fjölda sólbaðsstofa séu samanburðarhæfar milli landa en þær ættu þó að geta gefið vísbendingu um ástandið. Samkvæmt tölum sem Umhverfisstofnun og Geislavarnir ríkisins hafa tekið saman eru um 114 sólbaðsstofur á Íslandi en þær eru 93 í London skv. áðurnefndri frétt BBC.