Ný rit frá Evrópusambandinu á vefsíður EU. Annað ritið fjallar um geislavirk efni í neytendavörum og hitt fjallar um geislaálag flugáhafna.

15.8.2005

Neðangreind tvö rit hafa nýlega verið birt á geislavarnavefsíðu Evrópusambandsins.

RP 139: A review of consumer products containing radioactive substances in the European Union (359 KB)
Notkun geislavirkra efna í ýmsum neytendavörum hefur verið þekkt í meira en 100 ár. Elsta þekkta notkunin er notkun úrans í glervörum og á fyrri hluta síðustu aldar var notkun radíns í málningu fyrir úrskífur algeng. Algengasta notkun geislavirkra efna í neytendavörum í dag er í jónískum reykskynjurum.
Í þessu riti frá EU er ítarleg samantekt um þær neytendavörur sem innihalda geislavirk efni og eru aðgengileg neytendum án sérstakra leyfa. Fjallað er um geislaálag almennings vegna þessarar notkunar og gerð grein fyrir þeim laga- og reglugerðaákvæðum sem gilda um þessar vörur hjá Evrópusambandinu og í einstökum aðildarlöndum þess.

RP 140: Cosmic radiation exposure of aircraft crew (8.508 KB)
Í fréttum á vefsíðu GR þann 21.6.2004 er sagt frá því að rannsóknarverkefni á vegum Evrópusambandsins um geislaálag flugáhafna, sé lokið og að niðurstöður liggi fyrir. Þann 22.6.2004 hélt einn af forsvarsmönnum verkefnisins, Lennart Lindborg, opinberan fyrirlestur á vegum Geislavarna ríkisins þar sem hann kynnti verkefnið og niðurstöður þess. (sjá eldri frétt)
Í þessari skýrslu er gerð grein fyrir verkefninu og settar fram leiðbeiningar og tilmæli um framkvæmd eftirlits með geislaálagi flugáhafna, ásamt lausnum um mælitækni, mat á geislaálagi og skráningu.


Slóð geislavarna vefsíðu EU er:

http://europa.eu.int/comm/energy/nuclear/radioprotection