Norræn ráðstefna um geislavistfræði og mælitækni í Tartu í Eistlandi

17.11.2005

Norrænu verkefnin hafa verið styrkt af norrænu samstarfi sem nefnist Norrænar kjarnöryggisrannsóknir (NKS). Það skiptist í tvö meginsvið, R: kjarnorkutækni og B: Geislunarviðbúnaður og geislavistfræði. Sigurður Emil hefur haft yfirumsjón með verkefnum innan B-hlutans undanfarin ár.

Ráðstefnan var haldin dagana 24.-25. október í Tartu í í Eistlandi til þess að gefa sem flestum grannþjóðum Norðurlanda kost á að sækja ráðstefnuna með litlum kostnaði.  Margar þessar þjóðir höfðu tekið þátt í samanburðarmælingum á vegum NKS-B og niðurstöður voru kynntar á ráðstefnunni.  Alls voru flutt 26 erindi á ráðstefnunni og fjöldi þátttakenda var 41.  Skipulag og framkvæmd hjá eistneskum gestgjöfum var til stakrar fyrirmyndar þrátt fyrir þéttskipaða dagskrá.

Magnús Sigurgeirsson, sérfræðingur hjá Geislavörnum ríkisins, flutti erindi á ráðstefnunni um niðurstöður rannsókna sinna innan eins af verkefnum NKS-B (INDOFERN).

Sjá nánar um NKS á vefsíðu samtakanna:

http://www.nks.org/

Þar má einnig finna upplýsingar um NKS-B.

Sérstök vefsíða var sett upp í tilefni ráðstefnunnar:

https://www.gr.is/nks-b/seminar2005/

Þar mun verða hægt að nálgast efnismikla útdrætti helstu erinda (allt að 6 síður hver).  Útdrættirnir verða einnig gefnir út formlega í ráðstefnuriti á vegum NKS.

Í kjölfar ráðstefnunnar var haldið stutt námskeið um mælifræði innri geislunar, sjá nánar :

https://www.gr.is/nks-b/seminar2005/irades-course.htm

 Meðal fyrirlesara var Alan Birchall frá Geislavarnastofnun Bretlands (HPA/NRPB), hann er leiðandi sérfræðingur á þessu sviði.