Fréttir
Of mikil geislun við geislameðferð. Vefsetur IAEA
Í febrúar á þessu ári var birt frétt í blaðinu Guardian um ranga geislameðferð hjá ungri stúlku í Glasgow í Skotlandi. Í ljós kom að hún fékk mun meiri geislun en áætlað hafði verið, eða allt að 58% meira í 19 skipti. Þegar þessi misstök komu í ljós var þegar skipuð rannsóknarnefnd á vegum Skoskra geislavarnayfirvalda, sem nýlega hafa skilað skýrslu. Samkvæmt skýrslunni eru helstu ástæður fyrir þessum mistökum þær að starfsmaður sem vann við skipulagningu meðferðar var ekki með fullnægjandi menntun og reynslu til þess starfa. Einnig var það talin samverkandi ástæða að starfslýsingar og aðferðalýsingar gæðakerfisins voru úreltar og ekki í samræmi við raunveruleikann.
Skýrsla á vefsetri IAEA
Fréttavefur Guardian (www.guardian.co.uk)
Upphafleg frétt í Guardian 9. febrúar 2006
Sagt frá láti stúlkunnar í október 2006
Frekari umfjöllun í nóvember 2006
Í júlí á þessu ári var tilkynnt til ASN (Geislavarnastofnun Frakklands) að 23 sjúklingar sem fengu geislameðferð vegna krabbameins í blöðruhálskirtli á tímabilinu maí 2004 til maí 2005, hefðu fengið meiri geislun en gert var ráð fyrir í meðferðinni (7% til 34%). Ástæður þessa óhapps eru raktar til tveggja samverkandi þátta, þ.e. ónægrar þjálfunar starfsmanna og galla í hugbúnaði geislaskipu-lagningarkerfisins sem var í notkun. Skýrsla stofnunarinnar er á vefsíðu ASN (því miður eingöngu á frönsku, enn sem komið er).
Útdráttur úr skýrslu á vefsetri IAEA
Mikið verk er unnið innan IAEA til að tryggja öryggi og nákvæmni geislameðferðar um allan heim og eitt mikilvægasta verkfærið í þeirri vinnu er miðlun upplýsinga um óhöpp, slys og mistök við geislameðferð, bæði skipulagningu og framkvæmd meðferðar. Með þessari upplýsingamiðlun er leitast við að koma í veg fyrir að svipuð óhöpp geti endurtekið sig.
Sjá nánar vefsíðu IAEA
23. nóvember 2006
Guðlaugur Einarsson
Sviðsstjóri eftirlitssviðs
