Nýtt fræðsluefni fyrir barnshafandi konur um röntgengeislun

28.1.2008

Röntgenrannsóknir eru mikilvægar í nútíma læknisfræði við greiningu sjúkdóma. Vegna hugsanlegra skaðlegra áhrifa geislunarinnar er það eitt helsta grundvallaratriði geislavarna að geislun á sjúkling sé ekki meiri en nauðsyn krefur. Þetta á sérstaklega við þegar um er að ræða barnshafandi konur.

Í þessu fræðsluefni er fjallað um röntgengeislun og þá áhættu sem geislun á fóstur í móðurkviði getur haft í för með sér.

Lögð er áhersla á réttlætingu allra fyrirhugaðra röntgenrannsókna og gefnar leiðbeiningar til barnshafandi kvenna vegna röntgenrannsókna. Mikilvægt er að konur upplýsi tilvísandi lækni um þær rannsóknir sem þær hafa áður farið í, þar sem þær geta komið að gagni og gert nýja rannsókna óþarfa. Einnig er lögð áhersla á að konur sem telja sig vera barnshafandi þegar rannsókn á að fara fram, láti starfsfólk myndgreiningardeilda vita af því, áður en rannsóknin er framkvæmd.

Fræðsluefnið má nálgast hér !