Fréttir
Uppfærðar veftilvísanir um farsíma og heilsu
Geislavörnum ríkisins berast reglulega fyrirspurnir um farsíma og hugsanleg áhrif þeirra á heilsu fólks. Stofnunin hefur því m.a. birt fréttatilkynningar með veftilvísunum í þær heimildir sem umræðan hefur byggst á. Þessar tilvísanir hafa nú verið teknar saman, uppfærðar og settar undir fræðsluefni á vefsetri stofnunarinnar.
Á Íslandi sem og annars staðar í heiminum hefur almenningur sýnt umræðu um hugsanleg heilsufarsleg áhrif rafsegulsviða mikinn áhuga. Geislavarnir ríkisins hafa fylgst með þessari umræðu, jafnt hérlendis sem erlendis og oft birt fréttatilkynningar með tilvísunum í skýrslur og annað efni sem þessi umræða hefur byggst á. Sumir þessara veftengla hafa síðar orðið úreltir og óvirkir.
Þessar tenglasafn í vefheimildir hefur nú verið tekið saman, uppfært og sett sem fræðsluefni inn á vef Geislavarna, undir:
Forsíða > Fræðsluefni > Sól, ljós og rafsegulsvið
Stefnt er að því að halda þessu tenglasafni við og uppfæra að minnsta kosti einu sinni á ári.
