Fræðsluefni um nýlegar grunnleiðbeiningar Alþjóða geislavarnaráðsins hefur verið sett á vef Geislavarna ríkisins.

23.2.2009

Nýjar grunnleiðbeiningarnar Alþjóða geislavarnaráðsins voru gefnar út í lok 2007. Þær byggja á bestu þekkingu á jónandi geislun og líffræðilegum áhrifum hennar auk þess að taka mið af leiðbeiningum ráðsins sem út hafa verið gefnar síðan síðustu grunnleiðbeiningar komu út en það var árið 1990. Þær taka einnig mið af þróun sem orðið hefur við gerð öryggisleiðbeininga á undanförnum árum m.a. hvað varðar aðkomu þeirra sem málið varðar.

Nýju grunnleiðbeiningarnar breyta ekki grunni geislavarna líkt og gerðist með grunnleiðbeiningunum sem út komu árið 1990. Því halda alþjóðlegir öryggisstaðlar sem settir hafa verið með stoð í grunnleiðbeiningunum frá 1990 gildi sínu áfram en þeir eru endurskoðaðir reglulega.

Á vegum Alþjóða kjarnorkumálastofnunarinnar, IAEA, fer nú fram endurskoðun alþjóðlegra grunnöryggisstöðla í geislavörnum en þeir eru frá árinu 1995 og Evrópusambandið er að endurskoða löggjöf sambandsins um geislavarnir en hún er að stofni til frá 1996. Gert er ráð fyrir að þessari vinnu ljúki innan 2 - 3 ára. Þá verður metið hvort breytingar á alþjóðlegum öryggisstöðlum eða löggjöf Evrópusambandsins á sviði geislavarna kalli á breytingar á íslenskri löggjöf um geislavarnir.

Fræðsluefninu á vef geislavarna um nýju grunnleiðbeiningarnar er ætlað að veita almenna innsýn en hvorki ítarlegar né tæmandi upplýsingar um innihald þeirra.

Grunnleiðbeiningarnar má nálgast án endurgjalds hjá ScienceDirect á rafrænu formi.

SMM