Geislavörnum boðin þátttaka í starfi Alþjóða Geislavarnaráðsins

24.3.2009

Alþjóða geislavarnaráðið (International Commission on Radiological Protection, ICRP) var stofnað árið 1928. Leiðbeiningar þess um geislavarnir ásamt mati Vísindanefndar Sameinuðu þjóðanna á áhrifum jónandi geislunar er sá grunnur sem öryggisstaðlar í geislavörnum byggja á. Það á jafnt við um öryggisstaðla sem alþjóðastofnanir eins og Alþjóða kjarnorkumálastofnunin setja og öryggisstaðla sem einstök ríki eða ríkjabandalög eins og Evrópusambandið setja.

Auk yfirnefndar Alþjóða geislavarnaráðsins þá starfa á vegum þess 5 fastanefndir sem fjalla um afmörkuð svið geislavarna þ.e. áhrif geislunar, mat á geislaskömmtun, geislavarnir í læknisfræði, notkun leiðbeininga ráðsins og geislavarnir umhverfisins (dýr og plöntur). Í hverri nefnd eiga sæti 15 sérfræðingar á starfssviði viðkomandi nefndar. Í yfirnefnd ICRP eiga sæti, auk formanns, 5 formenn fastanefnda og 7 einstaklingar með yfirgripsmikla og víðtæka þekkingu á starfssviði ICRP.

Yfirnefnd ICRP fyrir tímabilið 2009 - 2013 var kjörin í október 2008 af sitjandi yfirnefnd og tekur hún til starfa um mitt ár 2009. Nú er verið skipa í fastanefndir ráðsins fyrir tímabilið 2009 - 2013.

Sigurði M Magnússyni, forstjóra Geislavarna ríkisins, verið boðið að taka sæti í 4. nefnd ICRP og verður hann eini norræni fulltrúinn í nefndinni. Hlutverk hennar er að veita ráðgjöf um notkun leiðbeininga ráðsins hvað varðar geislun almennings og starfsmanna. Nefndin er einnig tengiliður ráðsins við aðrar alþjóðastofnanir og starfsgreinafélög sem koma að geislavörnum. Helsta verkefni nefndarinnar næstu ár verður að veita hagnýta ráðgjöf og leiðbeiningar um notkun grunnleiðbeininga ICRP sem gefnar voru út í lok árs 2007 einkum hvað varðar viðbúnað og náttúrulega geislun.

Nánari upplýsingar um Alþjóða geislavarnaráðið má finna á heimasíðu þess, www.icrp.org.

SMM