Ný skýrsla: Vöktunarmælingar Geislavarna ríkisins 2010

23.1.2012

Í skýrslunni eru teknar saman vöktunarmælingar Geislavarna ríkisins á geislavirku sesíni (Cs-137) í umhverfinu og í matvælum árið 2010. Sesín-137 var mælt í eftirfarandi sýnaflokkum:

Niðurstöður mælinga benda til að litlar breytingar hafi orðið á styrk sesíns síðustu árin og að a.m.k. sé ekki um marktæka aukningu að ræða. Magn geislavirkra efna er mælt með einingunni Bq (Becquerel), 1 Bq = 1000 mBq = 1 000 000 µBq.

Í andrúmslofti er styrkur sesíns minni en 3 μBq/m3 og í úrkomu minni en 1 mBq/lítra.

Í mjólk mælist styrkur sesíns að jafnaði um 0,5 - 1 Bq/kg og í mjólkurdufti kringum 10 Bq/kg. Styrkur sesíns í lambakjöti er jafnan breytilegur, í sýnum frá árinu 2010 mældist hann 2-31 Bq/kg.

Í sjó mælist styrkur sesíns 1,3-2,1 Bq/m-3. Hæstur styrkur mælist jafnan í pólsjó fyrir norðan og vestan land. Sýnataka á sjó er í höndum Hafrannsóknastofnunar. Í þangi er styrkur sesíns frá því að vera neðan greiningarmarka og allt að 0,21 Bq/kg þurrvigt og í fiski allt að 0,13 Bq/kg ferskvigt.

Eins og fram kemur í skýrslunni er styrkur sesíns í íslenskum matvælum í öllum tilvikum langt innan alþjóðlegra viðmiðunarmarka í milliríkjaverslun, sem eru 1000 Bq/kg.

Geislamælar til rauntímavöktunar á gammageislun eru við fjórar sjálfvirkar veðurstöðvar Veðurstofu Íslands, þ.e. á Bolungarvík, Raufarhöfn, í Hornafirði og í Reykjavík. Styrkur geislunar er almennt lágur, eða 40-80 nSv/klst. sem er mun lægra en algengt er í nágrannalöndunum. Fylgjast má með mæligildum frá þessum geislamælum með því að smella á tengilinn Gammastöðvar á þessari síðu.

Sigurður Emil Pálsson veitir nánari upplýsingar um þessa vöktun og niðurstöður hennar.

23.01.2012
KG