Beint í Leiðarkerfi vefsins.

Geislavarnir ríkisins

(kt: 540286-1169)

Geislavarnir ríkisins eru alhliða stjórnsýslu, þjónustu og rannsóknastofnun á sviði geislavarna.

Afgreiðslutími stofnunarinnar er frá klukkan 8:00-16:00 alla virka daga.


Starfsemi og rekstur Geislavarna

Fagleg viðfangsefni Geislavarna eru vegna geislunar frá geislatækjum annars vegar og geislavirkum efnum hins vegar. Þau eru: eftirlit, leyfisveitingar, geislaálag sjúklinga, fræðsla, mælifræði, viðbúnaður þ.m.t. vöktun, rannsóknir, ójónandi geislun og erlent samstarf.

Rekstrarleg viðfangsefni Geislavarna eru: fjármál, starfsmannamál, upplýsingamál og afgreiðsla.

Tekjur Geislavarna á árinu 2009 vorur um 125.6 milljónir króna, þar af:

  • fjárveiting um 89.1 milljónir
  • eftirlitsgjöld um 8.5 milljónir
  • sértekjur um 28 milljónir, einkum vegna erlendra verkefna.

Gjöld Geislavarna á árinu 2009 voru um 119.9 milljónir króna og rekstrarafgangur ársins um 5.7 milljónir króna

Hlutverk Geislavarna

Hlutverk Geislavarna ríkisins er að annast öryggisráðstafanir vegna geislunar og vinna að ábyrgri notkun hennar á Íslandi



Gildi Geislavarna eru:

  • fagleg hæfni - vandvirkni, traust og trúverðugleiki
  • ábyrgð - ábyrgt starfsfólk og ábyrg starfsemi
  • umhyggja - réttsýni, jafnrétti og þjónustulipurð.

Framtíðarsýn 2004 - 2008 - verður endurskoðað árið 2010

  • Fjárhagslegt sjálfstæði
  • Öflug rafræn þjónusta
  • Viðurkenndur þekkingarbrunnur
  • Fyrirmynd fyrir önnur smáríki


Markmið Geislavarna

Markmið Geislavarna ríkisins eru útfærð í stefnukorti sem byggir á hlutverki og gildum Geislavarna. (Stefnukort Geislavarna - pdf, útgáfa: mars 2008).

Rammi um starfsemi Geislavarna ríkisins

  • Lög nr. 44/2002 um geislavarnir
  • Reglugerðir settar með stoð í lögunum.
  • Fjárveitingar á fjárlögum og tekjur sem stofnunin aflar
  • Samningur um samningsstjórnun undirritaður í október 1994
  • Samningur um árangursstjórnun undirritaður í desember 1997
  • Stefnumiðað árangursmat, innleitt 2004 og endurskoðað árlega.
  • Virk gæðahandbók samkvæmt ISO- 9000 staðli
 
 

Fréttir

31.8.2010 Fréttir : 29. ágúst alþjóðlegur dagur gegn tilraunum með kjarnorkuvopn.

Á síðasta ári samþykkti allsherjarþing Sameinuðu Þjóðanna með einróma ályktun að 29. ágúst skyldi verða alþjóðlegur dagur gegn tilraunum með kjarnorkuvopn. Eru aðildarríki þar sérstaklega hvött til að efla vitund fólks og fræðslu um afleiðingar tilraunasprenginga og nauðsyn þess að þeim verði endanlega hætt svo takmarkinu um kjarnorkuvopnalausan heim verði náð. Lesa meira
 

27.8.2010 Fréttir : Segulsvið á Íslandi svipað og í Svíþjóð

Geislavarnir ríkisins og Brunamálastofnun hafa nýlega lokið rannsókn á segulsviði í rúmlega 130 íbúðum. Niðurstöður benda til að segulsviðið í íbúðum á Íslandi sé svipað og í Svíþjóð en frágangur raflagna á Íslandi og í Svíþjóð er sambærilegur. Niðurstöðurnar gefa ekki tilefni til umfangsmeiri rannsókna á segulsviði í íbúðarhúsnæði á Íslandi. Meðaltal segulsviðs mældist um 0,1 µT en algengustu gildi eru um 0,05 µT. Segulsvið yfir 0,4 µT er sjaldgæft og stafar oftast af svokölluðum flökkustraumum. Með einföldum aðgerðum má oftast draga úr þessum straumum. Lesa meira
 

13.8.2010 Fréttir : Fjöldi myndgreiningarannsókna á Íslandi árið 2008

Komin er út skýrsla Geislavarna um fjölda myndgreiningarannsókna sem framkvæmdar voru á Íslandi árið 2008. Skýrslan er áfangi í því verkefni stofnunarinnar að meta geislaálag þjóðarinnar vegna notkunar jónandi geislunar í læknisfræði. Lesa meira
 

6.8.2010 Fréttir : Sólgos jók ekki við gammageislun á Íslandi

Að morgni þess 3. ágúst varð sólblossi í stefnu jarðar á sólinni með tilheyrandi stormum í segulsviði jarðar, en það ver jarðarbúa fyrir geimgeislun. Mælingar Geislavarna ríkisins og Veðurstofunnar benda ekki til að geimgeislun á Íslandi hafi aukist við þetta. Lesa meira
 
 

Hliðarval

www.geislavarnir.is

Samskipti

Geislavarnir ríkisins Rauðarárstíg 10, 150 Reykjavík | Sími: 552-8200 fax: 552-8202 | Netfang: gr@gr.is