Gæðakerfi Geislavarna
Gæðakerfi Geislavarna er byggt upp samkvæmt kröfum ISO 9001:2008.
Gæðakerfi Geislavarna er lýst í virkri og útgáfustýrðri rafrænni gæðahandbók sem er aðgengileg öllum starfsmönnum. Gæðakerfið byggir meðal annars á virku ábendingakerfi (sjá Ábendingar hér að ofan) sem tekur á öllum innri og ytri ábendingum sem varða starfsemi Geislavarna.
Gæðakerfi Geislavarna er vottað af bresku staðlastofnuninni, BSI (British Standard Institute). Kerfið var fyrst vottað í október árið 2008 (frétt) og var síðan endurvottað í desember 2009 (frétt).
Stefna Geislavarna og stefnukort
Stefna Geislavarna nær til allra þátta í starfsemi stofnunarinnar og miðast við að unnið sé í samræmi við ISO 9001:2008.
Megin áherslur í stefna Geislavarna eru:
- Að hafa vottað gæðakerfi samkvæmt ISO 9001:2008.
- Að stýra starfsemi stofnunarinnar með skýrum og einföldum verklagsreglum og vinnulýsingum.
- Að hafa vel menntað, faglega hæft og áhugasamt starfsfólk sem hefur góða vinnuaðstöðu og vinnur að faglega krefjandi verkefnum.
- Að uppfylla þarfir og kröfur viðskiptavina stofnunarinnar.
- Að líta á ábendingar, ytri sem innri, sem tækifæri til stöðugra endurbóta gæðakerfis.
- Að rýna reglulega allt gæðakerfi, þar með talið að endurmeta stefnu, markmið og mælingar, til að tryggja stöðugar umbætur þess.
Stefna Geislavarna og markmið eru tekin saman í stefnukorti sem rýnt er reglulega.
Mælingar á starfsemi
Geislavarnir notar markvisst stefnumiðað árangursmat, (Balanced Scorecard, BSC) til að mæla starfsemi með það að markmiði að bæta þjónustu við viðskiptavini og ánægju og hæfni starfsfólks.
Í skorkorti stofnunarinnar eru skilgreindir einn eða fleiri mælikvarðar fyrir hvert markmiði og hafa þeir það hlutverk að meta í rauntíma hvernig stofnuninni gengur að ná markmiðum sínum. Skorkortið er aðgengilegt fyrir starfsmenn sem geta þá fylgst með árangri stofnunarinnar varðandi alla eða einstaka mælikvarða. Mælikvarðar eru tengdir við viðkomandi verklagsreglu í gæðahandbók eftir því sem við á.
