Beint í Leiðarkerfi vefsins.

Gæðakerfi Geislavarna

Gæðakerfi Geislavarna er byggt upp samkvæmt kröfum ISO 9001:2008.
Gæðakerfi Geislavarna er lýst í virkri og útgáfustýrðri rafrænni gæðahandbók sem er aðgengileg öllum starfsmönnum. Gæðakerfið byggir meðal annars á virku ábendingakerfi (sjá Ábendingar hér að ofan) sem tekur á öllum innri og ytri ábendingum sem varða starfsemi Geislavarna.

Gæðakerfi Geislavarna er vottað af bresku staðlastofnuninni, BSI (British Standard Institute). Kerfið var fyrst vottað í október árið 2008 (frétt) og var síðan endurvottað í desember 2009 (frétt), og aftur í nóvember 2010.

Vottunarskýrteini árið 2008

Vottunarskýrteini árið 2009

Stefna

  • Vinna að lögbundnum verkefnum stofnunarinnar af metnaði og hagsýni
  • Reka stofnunina innan ramma fjárveitinga og sértekna
  • Viðhalda vottuðu stjórnkerfi (gæðakerfi) samkvæmt ISO 9001:20008 með áherslu á einfalda og skýra verkferla
  • Hafa faglega vel hæft starfsfólk sem er ánægt í starfi og nær góðum árangri.
  • Auka þekkingu og skilning á geislun og um geislavörnum með ráðgjöf, fræðslu og samstarfi.

Mælingar á starfsemi

Geislavarnir framkvæma mælingar á starfsemi. Geislavarnir setja einnig markmið vegna einstakra mælikvarða og er árangur settur fram í skorkorti.



 

 
 

Fréttir

6.2.2012 Fréttir : Bilun orsök hárra mæligilda í mælistöð Geislavarna í Reykjavík

Undanfarna viku hafa sést nokkrir toppar í mæligögnum frá síritandi og sjálfvirkri geislamælistöð Geislavarna í Reykjavík. Þar sem gögnin eru birt á heimasíðu Geislavarna án tafar hafa þau ekki verið yfirfarin fyrir birtingu, og því geta þau sýnt niðurstöður sem hafa ekkert með dreifingu geislavirkra efna í umhverfi að gera. Sú var reyndin í síðustu viku, en athugun á mæligögnunum og aðrar mælingar sem gerðar voru í Reykjavík á sama tíma sýna ekki aukningu geislunar. Það er niðurstaða Geislavarna að hér hafi verið um bilun í rafeindabúnaði að ræða. Stöðin verður tekin niður og yfirfarin á næstu dögum. Lesa meira
 

23.1.2012 Fréttir : Ný skýrsla: Vöktunarmælingar Geislavarna ríkisins 2010

Geislavarnir ríkisins hafa birt skýrslu þar sem kynntar eru niðurstöður mælinga stofnunarinnar á styrk geislavirks sesíns í andrúmslofti, úrkomu, mjólk, lambakjöti, sjó, fiski og þangi á árinu 2010. Styrkur efnisins er í öllum tilvikum langt neðan þeirra marka sem miðað er við í milliríkjaviðskiptum með matvæli. Skýrsluna "Vöktunarmælingar Geislavarna ríkisins 2010, GR 11:04" má nálgast hér á PDF formi. Lesa meira
 

16.1.2012 Fréttir : Aukning tölvusneiðmyndarannsókna veldur áhyggjum Norrænna geislavarnastofnana

Tölvusneiðmyndarannsóknir eru meðal öflugustu verkfæra læknisfræðinnar og hefur notkun þeirra aukist mjög á Norðurlöndum undanfarin ár. Þeim getur fylgt viss áhætta og því leggja norrænar geislavarnastofnanir áherslu á, í sameiginlegri yfirlýsingu, að ekki séu framkvæmdar aðrar rannsóknir en þær sem líklegar eru til að hafa jákvæð áhrif á heilsu sjúklinga. Lesa meira
 

10.1.2012 Fréttir : Aukið samstarf Samtaka evrópskra geislavarnastofnana við framleiðendur tölvusneiðmyndatækja.

HERCA, Evrópusamtök geislavarnastofnana og COCIR, Evrópusamtök iðnfyrirtækja á sviði heilbrigðistækni, gáfu í gær (9. janúar 2012) út sameiginlega yfirlýsingu um aukið samstarf, með það að markmiði að draga úr geislaálagi sjúklinga við tölvusneiðmyndarannsóknir. Yfirlýsinguna má finna hér. Lesa meira
 
 

Hliðarval

www.geislavarnir.is

Samskipti

Geislavarnir ríkisins Rauðarárstíg 10, 150 Reykjavík | Sími: 440-8200 fax: 552-8202 | Netfang: gr[hja]gr.is